原文 post 於 二千零六年一月十九日
版主好中意睇戰爭片
由 Saving Rrivate Ryan 到 虎虎虎!偷襲珍珠港!
睇到去 大陸拍既 血戰台兒莊
甚至係 日本既 敵後縱橫八百里
中外通殺
以前每看大陸/台灣既戰爭片
總覺得國民黨軍隊制服甚是好看
年青軍官總是英偉不凡 (咁當然只限台灣片啦)
尤其係個頭盔
後尾少少驍起比起美軍半圓型成個龜殼咁 贏足成條街
以前細個唔識諗 點解當年中國咁窮
都可以做到個咁靚既國盔
直到有次睇一個講二戰德國既電視節目我先發覺
媽的!
原來德軍同國軍係用埋同一款頭盔!
M35 頭盔!!
我好相信
大家都知二戰果陣
德/日/意 是軸心國
中/英/美/法/蘇 是為盟軍 兩面係對立既
國軍同德軍用埋同一款頭盔
其實都係一件幾特別既事
其實
由滿清洋務運動開始
中德關係一直都幾好
由於德國陸軍強大
不嬲都有個講法就係
海軍師英國
陸陣師德國
德國陸軍對中國影響最大既時候
就係三十年代
國共兩面都有德國既軍事顧問
而蔣介石本身都係欣賞德國
甚至係欣賞 納粹黨
(大家都有共產黨呢個共同敵人)
蔣介石亦都將佢既二仔蔣緯國送去德國軍校讀書
而蔣緯國亦好似參加過佔領瑞士同奧地利 ( 仙樂飄飄處處聞!! )
而德國果陣係一戰戰敗國
急需貿易伙伴
要幫佢地既軍備搵買家
蔣介石就急需軍備
一拍即合
中國果時係冇錢
就用錫/鎢呢d金屬黎換軍備返黎
除左頭盔之外
仲有裝甲車/槍械等等 都係果陣運入黎中國
咁到左最後
德國聯絡日本幫手砌美國
點都要放棄中國
咁之前我睇過一本書叫 蔣介石與希特勒
(http://www.sanmin.com.tw/page-product.asp?pf_id=000097691)
入面講過中國同德國到左二戰中後期
都係 面不和心和 既關係
果陣反左面之後
中國大使返中國, 係有德國官員叫佢地留返一個人員向中國既
到左盟軍勝利之後
係人都唔會話自己同希特勒有路架啦
加埋國民黨有美國撐
呢段中德關係就慢慢俾人忘記
No comments:
Post a Comment